फूलै फूलमा सजाउंछु भन्नेले, कांडाको बास पारी दियो  
जन्म जन्म संगै जिउने मर्नेले, आधा बाटोमा छाडी दियो !

जून तारा दिन्छु  भन्नेले, घर  न घाटको बनाई दियो
हांसो खुसी दिन्छु भन्नेले, आंशुको सागारमा डुबाई दियो !

मायामा स्वर्ग पाईन्छ भन्नेले, जिउदै नर्कमा फाली दियो
सुख शान्ति  दिन्छु  भन्नेले,  दुःखले  मुटु  रेटी दियो !

अमर प्रेमको परिभाषा दिनेले, गर्भ नै नबसी तुहाई दियो
मायामा खेल खेली दिनाले, जिउनु न मर्नु पारी दियो !