|
सूचना तथा सञ्चारमन्त्री शङ्कर पोखरेलले स्पेसटाइम नेटवर्क प्रालिका अध्यक्ष जमिम शाहको कायरतापूर्ण हत्याबाट सञ्चारजगत्मा अपूरणीय क्षति पुगेको विचार व्यक्त गर्नुभएको छ ।
स्व. शाहका परिवारजनमा सहानुभूति तथा समवेदना प्रकट गर्न शाहनिवास पानीपोखरी पुगेर त्यहाँ राखिएको शोकपुस्तिकामा हस्ताक्षर गर्दै शाहको हत्याबाट सुरक्षामा देखिएको कमजोरी सुधार्न सुरक्षा निकायको ध्यानाकर्षण गर्नुभएको छ ।
नेकपा एमालेका महासचिव ईश्वर पोखरेलले शाहको हत्यालाई पासविक हत्याको सङ्ज्ञा दिदै अपराधीलाई पक्राउ गरी कानुनी कारवाही हुनुपर्नेमा जोड दिनुभयो ।
शाहको हत्या भएकोमा दुःख व्यक्त गर्दै उहाँका परिवारजनसँग भेटगरी सहानुभूति प्रकट गर्न एनेकपा माओवादीका उपाध्यक्ष डा बाबुराम भट्टराई, वन तथा भूसंरक्षण मन्त्री दीपक बोहरा, गृह राज्यमन्त्री मोहम्मद रिजवान अन्सारी, नेपाली काङग्रेसका दीपकुमार उपाध्यायलगायत विभिन्न राजनीतिक दलका नेता तथा कार्यकर्ता, उद्योगी व्यवसायी, सञ्चारकर्मीलगायत ठूलो सङ्ख्यामा शाहनिवास पुग्नु भएको थियो ।
मोटरसाइकलमा सवार दुईजनाको अज्ञात समूहले शाहलाई हिजो दिउँसो लाजिम्पाटमा गोली हानी हत्या गरेको थियो ।
|
