नेपाल पत्रकार महासंघ यूएई सम्पर्क शाखाको महाधिवेशन नजिकिंदै गएकोले उक्त संस्थाका सदस्यहरुलाई बिधिपूर्वक आफ्नो सदस्यता नविकरण गराउन र नयाँ सदस्य बन्न चाहने अन्य पत्रकारहरुलाई सदस्यता लिन विभिन्न विवरण दिंदै एक सूचना प्रकाशित गरेको छ।

पत्रकार महासंघको सदस्यता वर्षैभरि खुल्ला रहने भएपनि महाधिवेशन नजिएकोले एकपटकलाई स्मरण गराउँदै यो सूचना प्रकाशित गरिएको शाखाका अध्यक्ष जाकिर हुसैनले बताएका छन्।

एक कुराकानीमा हुसैनले बताए, “न्युनतम कागजात र प्रमाण नपुगेका व्यक्तिलाई सदस्यता दिन सकिंदैन। पत्रकार महासंघ एक जिम्मेवार संस्था भएकोले हामी त्यस्तो गर्दैनौ। हामीले सदस्यता दिनेबारे तीन सदस्यीय समिति बनाएका छौं। सो समितिले छानबीन गरी सदस्यता दिने चलन छ। नविकरणको हकमा निरन्तर पत्रकारिता गर्दै आएका व्यक्तिहरुको सदस्यता मात्र हामी नविकरण गर्नेछौं।”

उक्त संस्थाले प्रकाशित गरेको सूचनाको अंश तल प्रस्तुत गरिएको छ।

नेपाल पत्रकार महासंघ यूएई सम्पर्क शाखाको सूचना

नविकरणसम्बन्धी : 

नेपाल पत्रकार महासंघ सम्पर्क शाखा यूएईको स्थापनापछि पहिलो चरणमा सदस्यता प्राप्त गरेका सदस्यहरूको सदस्यता अबधि गत चैत्रसम्म मात्र रहेकोमा धेरैजसो सदस्यहरूले आफ्नो सदस्यता नविकरण गराइनसकेकोले बैसाख महिनाभित्रै अर्थात् यही १४ मई २०१० भित्र नविकरण गराउनकालागि स्मरण गराइन्छ।

नविकरणकालागि स्मरण गराउने परिपाटि नरहेता पनि निकट भविष्यमा यस संस्थाको महाधिवेशन हुन गइरहेकोले यो सूचना प्रकाशित गरिएको छ।
नविकरण नभएका सदस्यले शाखाको आगामी अधिवेशनमा भाग लिन पाउने छैन। अबधि सकी नविकरणकालागि निवेदन पर्न आएमा बढीमा एक हप्तासम्मको लागि दोब्बदर दस्तुर बुझाउनु पर्नेछ।

नविकरण गर्न चाहिने आवश्यक कागजात : 

१. सफा अक्षरले सवै विवरण खुलाई भरेको सदस्यता नविकरण फारम
२. यूएईको आवासीय भिसा लागेको नेपाली राहदानीको प्रतिलिपि
३. तीन प्रति तस्वीर (ईमेलबाट तस्वीर पठाएमा तस्वीरको लागि छुट्टै १० दिरहम तिर्नु पर्नेछ)
४. महासंघले जारी गरेको पुरानो परिचय–पत्रको प्रतिलिपि
५. पत्रकारितामा सक्रिय रहेको प्रमाणित गर्ने प्रमाणहरू
६. नविकरण शुल्क ५०/¯ दिरहम मात्र (नविकरणकालागि योग्यता नपुगेका व्यक्तिको रकम पछि फिर्ता गरिनेछ।)

नयाँ सदस्यतासम्बन्धी : 

नयाँ सदस्यता लिन इच्छु पत्रकारहरूले निम्न विवरणका साथ आवेदन फारम भरी तपसिलमा रहेका व्यक्तिहरूलाई सम्पर्क गर्न अनुरोध गरिन्छ।
यही २० मईभित्र मात्र सदस्यताको लागि आवेदन लिन सकिनेछ। त्यस उप्रान्त पर्न आएको सदस्यता फारम बुझलिए पनि ती फारमहरूमाथि सदस्यता दिइने कार्यवाही यस कार्यसमितिको कार्यकालमा गरिने छैन।

सदस्यताका लागि आवश्यक कागजातहरू : 

१. सफा अक्षरले सवै विवरण खुलाई भरेको सदस्यता फारम
२. यूएईको आवासीय भिसा लागेको नेपाली राहदानीको प्रतिलिपि
३. चार प्रति तस्वीर (ईमेलबाट तस्वीर पठाएमा तस्वीरको लागि छुट्टै १५ दिरहम तिर्नु पर्नेछ)
४. काम गर्दै गरेको मिडियाबाट प्राप्त नियुक्ती पत्र
५. पत्रकारितामा सक्रिय रहेको प्रमाणित गर्ने प्रमाणहरू
६. सदस्यता शुःल्क ५०/¯ दिरहम मात्र (योग्यता नपुगेका व्यक्तिको रकम पछि फिर्ता गरिनेछ।)
७. कम्तिमा एस.एल.सी. पास गरेको शैक्षिक प्रमाण पत्र

सम्पर्क इमेल :  

fnjuae@gmail.com, hac_zakir@yahoo.com, sapkotajp@gmail.com;itp.arjun@gmail.com
 
आवश्यक कागजात र दस्तुर आफूलाई पायक पर्ने गरी निम्न व्यक्तिहरूलाई बुझाए पनि हुनेछ : 

जेपी सापकोटा (अबुधाबी), शंकर ज्ञवाली (शारजाह), अर्जुन दाहाल (दुबई)

सदस्यता तथा सदस्यता नविकरण फारम www.fnjuae.com बाट डाउनलोड गर्न सकिन्छ।